Иван Орлич Босния ҳәм Герцеговинаның Өзбекстандағы елшиси етип тайынланды. Бул ҳаққында Сыртқы ислер министри Бахтияр Саидов Telegramʼдағы каналында мәлим етти.

Билдирилиўинше, 9-декабрь күни Бахтияр Саидов Сыртқы ислер министрлигинде Босния ҳәм Герцеговинаның Өзбекстандағы биринши елшиси Иван Орлич пенен ушырасқан ҳәм исеним жарлығын қабыллаған.

«Мәмлекетлеримиз арасындағы байланысларды және де жедел раўажландырыўға болған умтылысын қәдирлеймиз. Ҳақыйқатында да, ҳәм еки тәреплеме, ҳәм көп тәреплеме, әсиресе, экономикалық тараўда нәтийжели бирге ислесиў ушын көплеген имканиятларды көрип атырмыз. Мырза елшиге мәмлекеттеги жумысында үлкен табыслар тилеп қаламыз», дейди министр.

Қарақалпақстан хабар агентлиги