Быйылғы жыл 29-ноябрь – 8-декабрь күнлери Түркияда дәстүрий халықаралық Анқара китап байрамы болып өтпекте.
МҒКА мәлимлеме хызмети мағлыўматына бола, бул абырайлы халықаралық көргизбе 21 жылдан берли ҳәр жылы бәҳәр ҳәм гүз мәўсиминде көплеген сырт мәмлекетлердиң баспа компаниялары ҳәм белгили жазыўшылардың қатнасыўында шөлкемлестириледи.
Быйыл көргизбеде 250 дан артық баспа, мыңнан артық жазыўшы, соның менен бирге, МҒКА ҳәм республикамызда жумыс алып баратуғын бир неше баспа ўәкиллери қатнаспақта.
Халықаралық китап байрамы шеңберинде бир қатар конференция, семинар ҳәм ушырасыўлар болып өтеди.
Мағлыўмат ушын айтыў керек, 2025-жыл май айында болып өтетуғын гезектеги китап байрамында мәмлекетимиздиң баспа потенциалы, өзбек дөретиўшилериниң шығармаларын сырт елде кең ғалаба ен жайдырыў, сондай-ақ, мәдений дәстүрлерин танытыў мақсетинде Өзбекстан ҳүрметли мийман мәмлекет сыпатында қатнасыўы нәзерде тутылған.
Быйылғы көргизбениң ҳүрмети мийманы Әзербайжан Республикасы етип белгиленген.
ӨзА