Хорезм ўәлаятының Бағат районында спорттың Регби-7 түри бойынша Өзбекстан кубоги жарысы болып өтти.
Оған елимиздиң аймақларынан ең күшли командалар қатнасты ҳәм кубок жеңимпазы болыўы ушын қызғын гүрес алып барды.
Қызықлы өткен беллесиўлер соңында қызлар арасында биринши орынды Хорезм ўәлаяты командасы ийелеген болса, сыйлы екинши орын қарақалпақстанлы қызларға несип етти.
Жарыстың қола медалы болса, Наманган ўәлаятынан келген регбишилерге жеңип алыўға еристи.
Ерлер арасында өткерилген жарыста болса, қарақалпақстанлы регбишилер бесинши орын менен шеклениўге мәжбүр болды.
Адилбай Оразов,
Қарақалпақстан хабар агентлиги шолыўшысы