Нөкис районында спорттың ылақ-көкпар түринен Қарақалпақстан чемпионаты болып өтти.
Чемпионатқа республикамыздың барлық аймақларынан шабандозлар команда сыпатында қатнасып, чемпионлық ушын кескин гүрес алып барды.
Оғада қызықлы ҳәм кескин түрде өткен жарыс соңында, Шымбай районы шабандозлары биринши орынды ийелеўге миясар болды.
Сыйлы екинши ҳәм үшинши орынларды болса Бозатаў ҳәм Қараөзек районы шабандозлары жеңип алды.
Жарыс соңында, жеңимпазлар шөлкемлестириўшилер тәрепинен таярланған диплом, медаль ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы