Өзбекстан Саўда-санаат палатасының Қарақалпақстан Республикасы басқармасы тәрепинен ҳаял-қызларды, соның ишинде, жасларды исбилерменликке қызықтырыў бағдарындағы илажлар орынларда даўам етпекте.
Усы мақсетте, Әжинияз атындағы Нөкис мәмлекетлик педагогикалық институтында исбилерменликке қызығыўшы жаслар ушын бизнес семинар шөлкемлестирилди.
Илажда Өзбекстан Саўда-санаат палатасы Қарақалпақстан Республикасы басқармасы баслығының Жаслар ҳәм ҳаял-қызлар исбилерменлигин раӯажландырыӯ ислери бойынша орынбасары Назлы Мамбетова ҳәм басқалар шығып сөйлеп, жасларға бизнес-реже дүзиў, исбилерменликти баслаўдағы дәслепки кѳнликпелер, бизнес тараўында жетискенликлерге ерисиў сырлары, қаржыларды дурыс бөлистириў бойынша кең түрде мағлыўмат берди.
Семинарды шөлкемлестириўден тийкарғы мақсет – жасларда исбилерменлик бойынша билим ҳәм көнликпелерди пайда етиў, оларды ҳәр тәреплеме қоллап-қуўатлаў ҳәм өзиниң исбилерменлик жумысын баслаўға жәрдем бериўден ибарат.
Илаж даўамында қатнасыўшылар исбилерменлик бойынша өзлерин қызықтырған сораўларға жуўаплар алды.
Қарақалпақстан хабар агентлиги