21-23-ноябрь күнлери Ташкент ўәлаятының Ангрен қаласында фиджитал спорт ойынлары бойынша Өзбекстан чемпионаты болып өтти.
Елимиздиң барлық аймақларынан ең күшли командалар қатнасқан чемпионат жуўмағында, фиджитал баскетбол бойынша Қарақалпақстан сайланды командасы биринши орынды ийелеп, Өзбекстан чемпионы атағына миясар болды.
Ал, фиджитал футбол бойынша өткерилген беллесиўлерде болса, командамыз ағзалары үшинши орынды ийелеўге еристи.
Чемпионат соңында жеңимпаз командалар шөлкемлестириўшилер тәрепинен таярланған арнаўлы диплом, медаль, кубок ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы