Өзбекстан миллий кино өнери сарайында әдебиятымызда ѳшпес из қалдырған уллы ойшыл шайырымыз Әжинияз Қосыбай улының 200 жыллығы мүнәсибети менен халқымызға инәм етилип атырған «Әжинияз» кѳркем-публицистикалық фильминиң премьерасы болып өтти.
Премьераның ашылыў салтанатында Қарақалпақстан Республикасы Жоқарғы Кеңесиниң Баслығы Аманбай Орынбаев қатнасты.
Уллы ойшыл бабамыздың 200 жыллығы ЮНЕСКО шеңберинде белгиленетуғын халықаралық юбилейлер қатарына киргизилип, бул қутлы сәне республикамызда кең түрде белгиленбекте. Президентимиздиӊ басламасы менен сүўретке алынған «Әжинияз» фильми қарақалпақ кино тарийхында биринши мәрте қысқа мүддетте сүўретке алынған фильм болды.
Фильм тамашагөйлерде айрықша тәсир қалдырды.
Қарақалпақстан хабар агентлиги