Өзбекстан Республикасы Президентиниӊ 2020-жыл 4-ноябрьдеги «Кураш миллий спорт түрин раўажландырыў ҳәм оныӊ халықаралық абырайын буннан былай да арттырыў илажлары ҳаққында»ғы қарарының 2-қосымшасындағы «Жол картасы»ның 6-бәнтине муўапық орынларда бир қатар жарыслар өткерилди.

Усы жылдың 15-16-ноябрь күнлери Өзбекстан Республикасы Спорт министрлиги ҳәм Өзбекстан кураш федерациясы тәрепинен 46-55 жас аралығындағы «Нураныйлар» (46-55 жас) арасында миллий кураш спорт түри бойынша өткерилген жарыста Қарақалпақстан Республикасы сайланды командасы нәтийжели қатнасып сыйлы орынларды жеңип алыўға миясар болды.

Атап айтқанда,  Қанлыкөл районындағы “Бийсенбай Адамбаев” ЖШЖ баслығы Бийсенбай Адамбаев 65 кг. салмақта сыйлы екинши орынды, Кегейли районындағы 5-санлы улыўма билим бериў мектебиниң муғаллими Жарасық Байекеев 90 кг. салмақта сыйлы үшинши, Кегейли районы Спорт мектебиниң тренер-оқытыўшысы Заретдин Балжанов 80 кг. салмақта сыйлы екинши, Шоманай районындағы 29-санлы улыўма билим бериў мектебиниң муғаллими Дәўлетмурат Хидиров +90 кг. салмақта сыйлы үшинши орынларды ийеледи.

Қарақалпақстан хабар агентлиги