Бердақ атындағы Қарақалпақ мәмлекетлик университети спорт залында жоқары оқыў орынлары студент жаслары арасында ғалабалық спорт жарысларын өткериў тәртибине тийкарланып, футзал бойынша «Бес баслама олимпиадасы» болып өтти.
Жарысқа республикамызда жайласқан 10 нан аслам жоқары оқыў орынларынан командалар қатнасты.
Қызықлы ҳәм кескин өткен жарыс жуўмағында, Бердақ атындағы Қарақалпақ мәмлекетлик университети командасы 1-орынды жеңип алыўға миясар болды.
Ал, Өзбекстан мәмлекетлик денетәрбия ҳәм спорт университети командасы екинши орынды ийелеген болса, Қарақалпақстан аўыл хожалығы ҳәм агротехнологиялар институты жасларына үшинши орын несип етти.
Жарыс соңында жеңимпаз командалар шөлкемлестириўшилер тәрепинен таярланған арнаўлы диплом ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы