Өзбекстан Республикасы Президенти Шавкат Мирзиёев Баку қаласында өтип атырған БМШтың Климат бойынша конференциясы шеңберинде Чехия Республикасы Бас министри Петр Фиала менен ушырасыў өткерди.

Өзбекстан-Чехия қатнасықларын және де раўажландырыў ҳәм баслы бағдарларда әмелий бирге ислесиўди кеңейтиўдиң әҳмийетли мәселелери додаланды.

Чехия дәстүрий түрде мәмлекетимиздиң Европадағы әҳмийетли бирге ислесиўшиси болып есапланады. Кейинги жыллары өз-ара товар алмасыў көлеми 2 есеге, қоспа кәрханалар ҳәм жойбарлар саны 3 есеге көбейди.

Ҳүкиметлер аралық комиссия жумысын жеделлестириў, товар алмасыўды көбейтиў бойынша «жол картасы» ҳәм анық жойбарлардан ибарат санаат кооперациясы бағдарламасын ислеп шығыў зәрүр екенлиги атап өтилди.

Мәдений-гуманитарлық алмасыўды кеңейтиўге айрықща итибар қаратылды.

ӨзА