Халықаралық электротехника комиссиясының (IEC) тийисли қарарына бола, Өзбекстан IECтың техникалық комитетине турақлы ағза болды.
Буннан былайда «Өзэлтехсанаат» аўқамына ағза миллий техникалық комитет ўәкиллери IECтың TS 14-күшлениў трансформаторы, TS 20-электр кабеллер, TS 61-турмыслық техника, TS 82-қуяш фотоволтайк энергия системасының техникалық комитетлеринде халықаралық стандартларды тиккелей ислеп шығыў ҳәм қабыллаў процесслеринде қатнасады. Бул ҳаққында Өзбекстан техникалық жақтан тәртипке салыў агентлиги мәлим етти.
Еслетип өтемиз, усы жылдың 23-25-октябрь күнлери Шотландияның Эдинбург қаласында Халықаралық электротехника комиссиясының (IEC) 88-Бас Ассамблея мәжилиси болып өткен еди. Илаж шеңберинде Өзбекстан техникалық жақтан тәртипке салыў агентлиги ҳәм IEC арасында Өзбекстанды IEC тың 4 техникалық комитетине турақлы ағза (P-Member) етиў бойынша сөйлесиўлер өткерилген еди.
Мағлыўмат ушын: ҳәзирги күнде TS 14 техникалық комитети тәрепинен 6, TS 20 техникалық комитети тәрепинен 13, TS 61 техникалық комитети тәрепинен 48, TS 82 техникалық комитети тәрепинен 72 халықаралық стандарт жойбарлары көрип шығылмақта.
М.ҲОЖИАКБАРОВА, ӨзА