Өзбекстан Республикасы Президенти Шавкат Мирзиёев 11-ноябрь күни Ар-Рияд қаласында өткерилип атырған гезексиз араб-ислам саммити шеңберинде Саудия Арабстаны энергетика министри шахзада Абдулазиз бин Салмон Ол Саудты қабыл етти.
Биргеликтеги инвестициялық жойбарларын әмелге асырыў ҳәм «жасыл» энергетика тараўында әмелий бирге ислесиўди және де кеңейтиў мәселелери додаланды.
Мәмлекетимиз басшысы Өзбекстан энергетика тараўын тиккелей исвестициялар ҳәм алдыңғы технологиялар тийкарында модернизациялаўда белсенди қатнасып атырған жетекши “ACWA Power” компаниясы менен нәтийжели бирге ислесиў жолға қойылғанын айрықша миннетдаршылық пенен атап өтти.
Мәмлекетимиз аймақларында самал ҳәм қуяш электр станцияларын қурыў, сондай-ақ, «жасыл» водород ислеп шығарыў жойбарларын тезлестириў мәселелерине айрықша итибар қаратылды.
Өзбекстанда локализациялаў ҳәм кәрханалардың энергия нәтийжелилигин арттырыў процесслерине Саудия Арабстаны компаниялары ҳәм мәсләҳәтшилерин кеңнен тартыў бойынша келисимге ерисилди.
ӨзА