11-ноябрь – “Кәсиплик аўқамлары күни” байрамы мүнәсибети менен спорттың мини футбол түри бойынша «Мәденият, спорт ҳәм туризм хызметкерлери кәсиплик аўқамы Қарақалпақстан Республикасы бирлескен аўқам комитети кубоги» ушын жарыс болып өтти.
Оған республикамыздың барлық аймақларынан командалар қатнасты.
Жарыс соңында, биринши орынды Қарақалпақстан Республикасы Футбол академиясы ийелеп, кубок жеңимпазына айланды.
Ал, сыйлы екинши ҳәм үшинши орынлар Хожели спорт мектеби ҳәм Республикалық қәнигелестирилген спорт мектеби командалары жеңип алды.
Жарыс жуўмағында жеңимпаз командалар шөлкемлестириўшилер тәрепинен таярланған арнаўлы кубок, медаль ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы