Елимизде демократиялық ҳәм еркин пуқаралық жәмийетин қурыў, пуқаралардың ҳуқық ҳәм еркинликлерин исенимли қорғаў кепилликлерин кеңейтиў, әдил судлаўға ерисиў, судлардың жумысынының сапасын буннан былайда жақсылаўға қаратылып атырған итибар нәтийжесин бермекте.
Қарақалпақстан Республикасы судларының басшылары тәрепинен турақлы түрде өткерилип атырған көшпели қабыллаўларда пуқаралардың түрли мәселелер бойынша мүрәжатлары қабыл етилип, унамлы шешимин таппақта. Олардың басым көпшилиги пуқаралардың бузылған ҳуқықларын тиклеў, суд қарарынан наразы болыў, белгиленген жазаны жеңиллестириў, турақ жай, мийрас мәселелеринен ибарат.
Шымбай районында өткерилген нәўбеттеги қабыллаўда Қарақалпақстан Республикасы судының баслығы К.Тарихов район турғынларының суд-ҳуқық мәселелерине байланыслы мүрәжатларын тыңлады.
Қабыллаў барысында мүрәжатлар тийкарында машқалаларды шешиў бойынша тийисли ҳәм жуўапкер уйым ўәкиллерине тапсырма, мүрәжат етиўшилерге ҳуқықый түсиник берилди.
Қарақалпақстан хабар агентлиги