АҚШтың Невада штаты Лас-Вегас қаласында өткерилген профессионал бокс турниринде жерлесимиз Бектемир Мелиқўзиев гезектеги беллесиўинде рингге көтерилди.
Бокс кешесиниң co main-event гүресинде екинши орта салмақ категориясында өткен беллесиўде Бектемир Мелиқўзиев америкалы Девид Стивенсқа қарсы чемпионлық белбеўи ушын таңлап алыў беллесиўин өткерди.
Он еки раундқа мөлшерленген гүрес толық даўам етти. Кескин өткен гүресте жерлесимиз Мелиқўзиев төрешилердиң қарары менен упайлар есабында жеңиске еристи. Бул жетискенлик Бектемирди екинши орта салмақ категориясында WBA чемпионлық белбеўи ушын рәсмий ҳәм мәжбүрий даўагерге айлантырды.
Айтыў керек, беллесиўден алдын ҳәр еки боксшы есабында 14 тен жеңис ҳәм 1 утылыс бар еди. Бектемирдиң бүгинги жеңиси болса оның искерлигиндеги 15-жеңис, Стивенсде болса екинши утылыс сыпатында жазылды.
Т. Рўзиев, ӨзА