Францияның Париж қаласында 2024-жылғы «Алтын топ» ийесин сыйлықлаў мәресими болып өтти.
«Манчестер Сити» футболшысы Родри 2024-жылғы «Алтын топ» ийесине айланды. Родри өткен мәўсимде «Манчестер Сити» менен биргеликте Англия чемпионлығын қолға киргизди, сондай-ақ, Испания командасы менен Евро жеңимпазына айланды ҳәм бул турнирдиң ең жақсы футболшысы болған еди.
«Барселона» футболшысы Ламин Ямал ең жақсы жас футболшыға берилетуғын «Копа Трофи»ди қолға киргизди. Пау Кубарси («Барселона»), Арда Гюлер («Реал»), Савио Морейра («Манчестер Сити»), Кобби Майну («Манчестер Юнайтед») күшли 5 ликтен орын алды.
Мадридтиң «Реал» командасы жылдың ең жақсы клубы деп табылды. Мадрид командасынан тысқары «Боруссия Дортмунд», «Жирона», «Байер» ҳәм «Манчестер Сити» сыяқлы клублардың талабанлары қойылған еди.
Фото: Getty Images
«Реал» бас тренери Карло Анчелотти жылдың ең жақсы тренери деп табылды. Бирақ қәнигениң өзи бул мәресимге келмеген.
Фото: Getty Images
Женифер Ермосо болса Сократес атындағы сыйлық ийесине айланды.
Фото: Getty Images
Аргентина сайланды командасы ҳәм «Астон Вилла» дәрўазаманы Емилиано Мартинес ең жақсы дәрўазаманға берилетуғын Лев Яшин сыйлығына ийе болды.
Унаи Симон («Атлетик»), Андрей Лунин («Реал»), Майк Менян («Милан») ҳәм Жанлуижи Доннарума («ПСЖ») күшли бесликти жуўмақлап берди.
Фото: Getty Images
«Бавария» ҳүжимшиси Ҳарри Кейн ҳәм «Реал» ағзасы Килиан Мбаппеге ең жақсы топурарға берилетуғын Герд Мюллер сыйлығы несип етти.
Фото: Getty Images
«Барселона» ағзасы Айтана Бонмати ҳаяллар арасындағы «Алтын топ»қа ылайық деп көрилди.
Қарақалпақстан хабар агентлиги