Мектеп оқыўшылары ушын шеректиң соңғы күни быйыл 2-ноябрьге туўра келип, 4-ноябрь гүзги дем алыстың биринши күни болып есапланады. Дем алыс 6 календарь күн, яғный 9-ноябрьге шекем даўам етеди. Екинши шерек болса 11-ноябрьден басланады.
Мектепке шекемги ҳәм мектеп билимлендириўи министрлиги баспасөз хызметиниң мәлим етиўинше, Министрлер Кабинетиниң 2017-жылдағы 140-санлы қарары менен тастыйықланған Режеге муўапық, оқыўшылар ушын дем алыс күнлери төмендегише белгиленген:
гүзги дем алыс-4-ноябрьден баслап 6 календарь күн;
қысқы дем алыс – 28-декабрьден 14 календарь күн;
бәҳәрги дем алыс – 21-марттан баслап 7 календарь күн;
жазғы дем алыс ақырғы басқышлы қадағалаў сынағы өткерилген күннен (басқышлы қадағалаў өткерилмейтуғын класслар ушын оқыў жылы тамам болған күннен кейинги күннен) баслап 1-сентябрьге шекем.
1-класс оқыўшылары ушын болса февраль айы даўамында қосымша бир ҳәптелик дем алыс белгиленеди.
Мағлыўмат орнында атап өтиў керек, дем алыстың ақырғы күни байрам (жумыс исленбейтуғын) күнге туўра келип қалған жағдайда, оқыў сабақлары кейинги жумыс күнинен баслап даўам еттириледи.
Байрам (жумыс исленбейтуғын) күнлерине туўра келип қалған оқыў сабақларының темалары оқыў бағдарламаларын ықшамластырған ҳалда кейинги оқыў сабақларында өткериледи.
Муҳайё Тошқораева, ӨзА