Ерте азаннан мәмлекетлик гимнлер жаңлап, барлық шараятлар жаратылған ҳалда пайтахтымыздағы Нәўпир МПЖ аймағындағы 58-сайлаў участкасында сайлаў процесслери шөлкемлескенлик пенен басланды. Ҳәзир сайлаў үлкен аўызбиршилик пенен даўам етпекте.
Ҳәзирге шекем дизимнен өткен сайлаўшылардың 55 проценти даўыс берди. Бул сиясий процессти сиясий партиялардан қатнасып атырған бақлаўшылар да бақлап бармақта.
-Сайлаў участкамызда 2204 сайлаўшы дизимге алынған болып, соннан 26 пуқара мүддетинен алдын даўыс берди. Сондай-ақ, көшпели қутыларды алып барып турған жеринен даўыс бериўши пуқаралардың шаңарақларынан да барып хабар алынып, сайлаўға олардың белсене қатнасыўы ушын имканиятлар жаратылмақта,-дейди 58-сайлаў участкасы баслығы Г.Машарипова.
Г.Турдышова,
Қарақалпақстан хабар агентлиги