21-24-октябрь күнлери Самарканд ўәлаятында жас өспиримлер арасында халыкаралык турнир болып өтти.
Оған қарақалпақстанлы жас боксшилер де қатнасып, рингте өзлериниң шеберликлерин көрсетти. Олардың арасында -57 кг салмақта Н. Утениязов, -60 кг да Ф. Нурыллаев ҳәм +92 кг да А. Утебаевлар алтын, -51 кг да Ш.Медетбаев гүмис, -51 кг да С. Реймбаев ҳәм -63,5 кг да Н. Джолдасбаевлар қола медальларын қолға киргизиўге миясар болды.
Республикамыз спортшыларын бул жарысқа тәжирийбели тренерлерден Р.Сеитов, К. Абдуллаев, А. Жуманов, У. Жаксымуратов ҳәм Р.Аметовлар таярлады.
Адилбай Оразов,
Қарақалпақстан хабар агентлиги шолыўшысы