Вьетнам Коммунистик партиясы Орайлық комитети хаткери турақлы ағзасы генерал Лионг Кинонг мәмлекет президенти етип сайланды. Бул ҳаққында «VnExpress» баслымы жазған.

Бул қарар Миллий мәжилистиң барлық 440 депутаты тәрепинен толық қоллап-қуўатланған. Даўыс бериўден кейин көп өтпей, Лионг Кионг ант етиў ушын минберге көтерилди.

Вьетнамның жаңа Президенти 67 жаста. Лионг 1975-жылы армияда хызмет ете баслаған ҳәм сиясий комиссар, Армия округи Бас басқармасы баслығының орынбасары дәрежесине шекем көтерилген. Сондай-ақ, мәмлекет Бас сиясий басқармасы баслығы лаўазымын да ийелеген.

2013-жылы тастыйықланған Конституцияға тийкарланып, Президент Миллий Мәжилис тәрепинен депутатлар арасынан сайланады. 2024-жылы 22- майда бул лаўазымды Ҳүкимдар партияның ОК бас хаткери етип сайланған То Лам ийелеген еди.

ӨзА