21-октябрь-5-ноябрь күнлери Черногорияның Будва қаласында жаслар арасында жәҳән чемпионаты болып өтеди.
Оған Өзбекстан сайланды командасы ағзалары толық қурамда қатнасады.
Әҳмийетли тәрепи сонда, бул жәҳән чемпионатында қызлар арасында -60 кг салмақта Рахима Бекниязова да беллесиўлерге шығады.
Соны айтып өтиўимиз керек, жерлесимиз Өзбекстан чемпионатының жеңимпазы болыўы менен бирге, 2022-жылдың март айында Иорданияда өткерилген жас өспиримлер арасында бокс бойынша Азия чемпионатында гүмис медальды жеңип алған еди.
Спортшымызға жәҳән чемпионатында әўмет тилеймиз.
Адилбай Оразов,
Қарақалпақстан хабар агентлиги шолыўшысы