Нөкис олимпия ҳәм паралимпия спорт түрлерине таярлаў орайында «Бес баслама олимпиадасы» шеңберинде спорттың Стритбол түринен 16-21, 22-30-жас аралығындағы ерлер арасында Қарақалпақстан Республикасы басқышы болып өтти.
Қызғын түрде өткерилген жарыс жуўмағында 16-21-жас аралығындағы ерлер арасында 1-орынды Нөкис районы спортшылары ийелеген болса, 2-3-орынларды Хожели ҳәм Қанлыкөл районы командалары ийелеўге миясар болды.
Ал, 22-30-жас аралығындағы жигитлер арасында болса, 1-орынды және бир мәрте Нөкис районы жаслары ийелеўге еристи. Жарыстың сыйлы екинши ҳәм үшинши орынлары Хожели ҳәм Шымбай районы командаларына несип етти.
Жарыс жуўмағында жеңимпаз командалар шөлкемлестириўшилер тәрепинен таярланған диплом ҳәм баҳалы саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы