Тахтакөпир районы «Қараой» аўыл пуқаралар жыйыны аймағында жайласқан «Қарақалпақстан Агрокластер» жуўапкершилиги шекленген жәмийетиниң егислик майданында пияз ҳәм чеснок өнимлерин егиў ҳәм жетистириў бойынша әмелий семинар шөлкемлестирилди.
Семинарға Қарақалпақстан Фермер, дийқан хожалықлары ҳәм қыйтақ жер ийелери Кеӊеси баслығының орынбасары П.Беканов, райондағы сектор басшылары, фермер хожалығы баслықлары ҳәм өзин-өзи басқарыў уйымларының жуўапкер басшылары қатнасты.
Семинарда шығып сөйлеўшилер тәрепинен бүгинги күндеги бар имканиятлардан пайдаланып, фермер ҳәм дийхан хожалықлары, сондай-ақ халқымыз тәрепинен өзлериниң қыйтақ жерлерине тоқсанбасты егинлерди егиў ҳәм тәрбиялаў бойынша кең түрде түсиниклер берилип, тийисли қәнигелер тәрепинен сол жерде тәжирийбе сыпатында егип көрсетилди.
Илажда семинар қатнасыўшылары тәрепинен шөлкемлестириўшилерге бир қатар сораўлар берилип, оларға жуўап алды.
Адилбай Оразов,
Қарақалпақстан хабар агентлиги шолыўшысы.