Бүгинги күни республикамыздың көпшилик аймақларында болғаны сыяқлы, Қараөзек районы фермерлери пахта жыйын-терими жумысларын қызғын алып барып, бир қатар алдынғы фермер хожалықлары белгиленген шәртнамалы жобаларын орынлап шықпақта.
Атап айтқанда, академик Сабыр Камалов аўыл пуқаралар жыйыны аймағындағы «Илҳам», «Жағал», «Зәбердес» фермер хожалықлары ағзалары атызларда жетистирилген зүрәәтти қысқа күнлер ишинде жыйнап терип алып, шәртнамалы жобаларын орынлап шығыўға миясар болды.
Усы мүнәсибет пенен Қараөзек районы ҳәкими А. Баймуратов жоқарыда аты аталған фермер хожалықларына барып, теримшилер менен хожалық ағзаларына ҳармасын айтты ҳәм алдыңғы теримшилерге саўғалар тапсырды.
Адилбай Оразов,
Қарақалпақстан хабар агентлиги шолыўшысы