Хабарыӊыз бар, Ѳзбекстан Саўда-санаат палатасы Қарақалпақстан Республикасы басқармасы, Жаслар ислери агентлиги Қарақалпақстан Республикасы басқармасы, «Жаслар-келешегимиз» фонды Қарақалпақстан Республикалық филиалы ҳәм жас исбилермен Ш.Ниязымбетовтың басшылығында усы жылдыӊ февраль айынан баслап «Бизнес-клуб» жойбары ѳз жумысын баслаған еди.
Яғный, «Бизнес-клуб» ағзалары жойбарлар менен ислесиў, бизнесте инновациялық ойлаўды раўажландырыў ҳәм креатив бизнес идеяларды әмелге асырыў бойынша бийпул билим ҳәм кѳнликпелерге ийе болды.
Усы жойбарға белсене қатнасып, жақсы нәтийжелер көрсете алған клуб ағзаларын хошаметлеў мәресими өткерилди.
Саўда-санаат палатасы Нѳкис қалалық бѳлиминиң бас қәнигеси С.Пахатова, жас исбилермен Ш.Ниязымбетов ҳәм Жаслар ислери агентлиги Қарақалпақстан Республикасы басқармасы, «Жаслар-келешегимиз» фонды Қарақалпақстан Республикасы филиалының басшылары тәрепинен «Бизнес клуб» қатнасыўшыларына арнаўлы сертификатлар ҳәм саўғалар тапсырылды.
Әҳмийетлиси сонда, жойбар қатнасыўшылары исбилерменлик бойынша алған билимлериниӊ нәтийжесин кѳрсете алды ҳәм келешекте жаӊа бизнес басламаларын әмелге асырыўды режелестирмекте.
Қарақалпақстан хабар агентлиги