Қарақалпақстан Республикасы Транспорт министрлигинде республикамыз аймағында транспорт хызметин көрсетиў, тараў бойынша жумыслардың нәтийжелилигин арттырыў ҳәм шөлкемлестириў мәселелерине арналған мәжилис өткерилди.
Мәжилисти Қарақалпақстан Республикасы Министрлер Кеңеси Баслығының орынбасары Ш.Даулетияров алып барды.
Онда шөлкемлестириў мәселеси қаралып, Парахат Қонысбаевич Қаипбеков Қарақалпақстан Республикасы Транспорт министри ўазыйпасын атқарыўшысы етип тайынланды.
Соны айтып өтиўимиз керек, Парахат Қаипбеков усы күнге шекем «QQavtotexxizmet» жуўапкершилиги шекленген жәмийети бас директоры лаўазымында жумыс алып барған.
Сондай-ақ, мийнет жолы даўамында Қарақалпақстан Республикасы Министрлер Кеңеси Баслығының орынбасары сыяқлы жуўапкерли лаўазымларда хызмет еткен.
Қарақалпақстан хабар агентлиги