Қазақстан Республикасы Орал қаласында жас өспиримлер арасында бокс бойынша халық аралық турнир болып өтип, оған Өзбекстан бокс федерациясы Қарақалпақстан бөлими спортшылары да белсене қатнасты.
Атап айтқанда, халық аралық турнирде 52 кг салмақта Мурат Утесинов өз қарсыласларын жеңип алтын медальды алған болса, 42 кг салмақта Жандарбек Төребаев, 50 кг да Атабек Уснатдиновлар гүмис медальлар менен сыйлықланды.
Ал, 52 кг салмақта Батырбек Юлдашов ҳәм 66 кг да Жеткербай Жеңисбаевларға қола медалы несип етти.
Сондай-ақ, турнир жуўмағында 52 кг салмақта Мурат Утесинов «Ең жақсы техника ийеси» номинациясы менен де сыйлықланды.
Жас спортшыларды бул турнирге тренерлерден Байназар Избасаров ҳәм Абат Үббиев таярлады.
Адилбай Оразов,
Қарақалпақстан хабар агентлиги шолыўшысы