«Басшы кадрларды баҳалаў орайын шөлкемлестириў ҳаққында»ғы Ҳүкимет Қарары қабыл етилди.

Қарарға бола, Мәмлекетлик хызметти раўажландырыў агентлигиниң  шөлкемлестириўинде Басшы кадрларды баҳалаў орайы шөлкемлестириледи.

Төмендегилер Орайдың тийкарғы ўазыйпалары етип белгиленди:

Социаллық-психологиялық изертлеўлер тийкарында мәмлекетлик пуқаралық хызметкерлер ушын базалық, өз алдына лаўазым яки лаўазымлар топары ушын компенсациялар модели ҳәм индикаторларын ислеп шығыў;

Мәмлекетлик пуқаралық хызметкерлерди жеке-профессионаллық диагностикалаў, компетенциялар модели тийкарында комплексли баҳалаў;

компетенцияларды баҳалаў процесинде пайдаланыў ушын турақлы түрде жаңа методикаларды ислеп шығыў, өзлестириў ҳәм енгизиў;

Компетенцияларды баҳалаў нәтийжелери тийкарында басшы кадрлар ушын жеке-профессионал раўажланыў траекториясын ислеп шығыў ҳәм заманагөй технологияларды пайдаланған ҳалда әмелге асырыў;

Басшылық лаўазымына талабанларды улыўма кәсиплик билими, қәдириятлары ҳәм интеллектуаллық потенциалын анықлаў бойынша тест сынақларын ҳәм психологиялық сораўнамалар өткериў;

Басшы кадрлардың жумыс нәтийжелилигин баҳалаў ҳәм мониторинг етиў, кадрларға болған талабын прогнозлаў, оларды танлап алыў ҳәм орны-орнына қойыў процесслерине санлы технологияларды ҳәм заманагөй усылларды кеңнен енгизиў;

Жумысының тийкарғы бағдарлары бойынша эксперт-таллаўлар жумысы, илимий изертлеў ҳәм излениўлер алып барыў, – деп мәлимлеме береди  xs.uz сайтында.

Қарақалпақстан хабар агентлиги