2025-жылы Ташкент қаласында 19 жасқа шекемги жаслар арасында волейбол бойынша жәҳән чемпионаты өткериледи.
Бул ҳаққында Ташкент қаласына хызмет сапары менен келген Халықаралық волейбол федерациясының (FIVB) президенти Ари Грасса мәлим етти.
Бул жас категориясында соңғы жәҳән чемпионаты 2023-жылы Аргентинаның Сан-Хуан қаласында өткерилип, онда Франция сайланды командасы жеңиске ерискен еди. Алтын медаль ушын өткен беллесиўде французлар Иран сайланды командасын 3:1 есабында жеңген болса, қубла кореялы жаслар АҚШлы волейболшыларды қола медалы ушын болған ушырасыўда жеңип шыққан еди.
Адилбай Оразов,
Қарақалпақстан хабар агентлиги шолыўшысы