«Вики естеликлерди жақсы көреди» халықаралық таңлаўы ҳәр жылы дүнья көлеминде шөлкемлестириледи. Быйылғы жылғы таңлаўда 40 тан аслам мәмлекет қатнасады. Олардың ишинде Өзбекстан да бар. Таңлаўда тарийхый имаратлар ҳәм дыққатқа ылайық жайлардың фотосүўретлери менен қатнасыў мүмкин.
Таңлаўдың тийкарғы мақсети – қатнасыўшы мәмлекетлердиң архитектуралық естеликлерине итибарлы болыў. Сондай-ақ, мәмлекетимиздеги мәдений мийрас объектлерине кең жәмийетшиликтиң итибарын тартыў ҳәм туризмниң раўажланыўына үлес қосыў болып есапланады.
«Вики естеликлерди жақсы көреди» (Wiki Loves Monuments, WLM) фототаңлаўы 2010-жылдан берли ҳәр жылы гүзде дүньяның түрли мәмлекетлеринде өткерип келинеди.
Мәмлекетимизде де 1-31-октябрь күнлери бул таңлаў өткериледи. Таңлаўдың республикалық басқышы «Wikimedia Foundation» шериклигинде өзбек тилинде сөйлесиўши викимедиашылар пайдаланыўшы топары ҳәм Өзбекстан Мәдений мийрас агентлиги менен биргеликте шөлкемлестирилди.
ӨзА