Бүгин Қаршы қаласында Азия чемпионлар лигасының Элит-2 жарысында 2-тур ойынлары шеңберинде бир ушырасыў болып өтеди.

Онда мәмлекетимиздиң вице-чемпионы «Насаф» Бирлескен Араб Әмирликлериниң «Шабаб Ал Аҳли» клубы менен өз-ара беллеседи.

Ойын елимиз ўақты менен саат 19:00 да басланады ҳәм ойынды Паям Ҳейдари басшылығындағы төрешилер бригадасы басқарып барады.

Мағлыўмат ушын айтатуғын болсақ, буннан алдынғы өткерилген 1-турда «Насаф» Кувейттиң «Қувайт СК» клубына қарсы сапарда өткерип, онда 0:0 ойнаған еди.

Адилбай Оразов,

 Қарақалпақстан хабар агентлиги шолыўшысы