Кеше футбол бойынша Европа лигасының 1-туры шеңберинде бир неше ушырасыўлар болып өтти.

Усы ушырасыўлардың биринде Римниң «Рома» клубы өз майданында Испанияның «Атлетик» клубы менен теңбе-тең ойнады ҳәм ойын 1:1 есабы менен жуўмақланды.

Ушырасыўда Өзбекстан сайланды командасы сәрдары Элдор Шомурадов 81-минутта резервтен ойынға түсти.

Ал, Францияның Лион клубы болса, бул турда Грецияның  Олимпиакос командасы менен ушырасып, мийманларды 2:0 есабында жеңип шығыўға миясар болды.

Сондай-ақ, бул турда Нидерландияның Аякс клубы Түркияның Бешиктошын 4:0, Португалияның Брагасы Израилдың Маккабин 2:1, Англияның Тоттенхэми Әзербайжанның Қарабағын 3:0 есабында жеңиўге еристи.

Германияның Айнтрахт клубы болса, Чехияның Виктория Пльзень клубы менен 3:3 ойнады.

Адилбай Оразов,

Қарақалпақстан хабар агентлиги шолыўшысы