Нөкис қаласында «Бес баслама олимпиадасы» шеңберинде спорттың «Гимнастрада» түринен Қарақалпақстан Республикасы басқышы болып өтти.
Оған республикамыздың барлық қала ҳәм районларынан командалар қатнасып, өз шеберликлерин көрсетти. Қызғын беллесиўлерге бай болған жарыс жуўмағында, биринши орынды Тақыятас районы командасы ийелеп, жарыстың Өзбекстан Республикалық басқышына жолламаны қолға киргизди.
Ал, сыйлы екинши ҳәм үшинши орынлар Нөкис қаласы ҳәм Мойнақ районы командаларына несип етти.
Жарыс соңында жеңимпаз командалар шөлкемлестириўшилер тәрепинен арнаўлы Диплом ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы