Бүгин, 24-сентябрь күни Ташкент қаласындағы халықаралық аэропортта 45-Пүткил жер жүзилик шахмат олимпиадасы ойынларында қатнасқан Өзбекстан делегациясын салтанатлы түрде күтип алыў мәресими болып өтти.
Мәресимде спорт министри Адҳам Икромов, Өзбекстан мәҳәллелери ассоциациясы баслығы Қаҳрамон Қуронбоев, Жаслар ислери агентлиги директоры Алишер Саъдуллаев ҳәм басқа рәсмийлер қатнасты, деп мағлыўмат береди хабар.уз
Мәлим етилиўинше, мәресимде 45-Пүткил жер жүзилик шахмат олимпиадасында жеңимпаз болған спортшыларға «Президент саўғасы» сыпатында «BYD Chazor» автомашиналары тапсырылады.
Еслетип өтемиз, шахмат бойынша Өзбекстан ерлер сайланды командасы 45-Пүткил жер жүзилик шахмат Олимпиадасында дерлик 200 мәмлекет ўәкиллери арасында 3-орынды ийелеген еди.
Қарақалпақстан хабар агентлиги