Тахтакөпир районындағы 2-санлы улыўма орта билим бериў мектебинде «Бес баслама олимпиадасы» шеңберинде ер балалар ҳәм қызлар арасында спорттың волейбол түри бойынша жарыс өткерилди.
Жарыс 16-21 ҳәм 22-30 жас категориясы бойынша шөлкемлестирилип, онда ерлер арасында 16-21 жас категориясында Дәўқара, қызлар арасында Қоңыраткөл аўыл пуқаралар жыйынларының жаслары жеңиске еристи.
Ал, 22-30 жас аралығындағы волейболшылар арасындағы беллесиўлерде болса, ерлер арасында Айдын жол мәкан пуқаралар жыйыны, қызлар арасында Дәўқара елатының командасы жеңип, жарыстың республикалық басқышына жолламаны қолға киргизди.
Жарыс жуўмағында сыйлы орынды ийелеген командалар шөлкемлестириўшилер тәрепинен арнаўлы диплом ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы