Венгрияның Будапешт қаласында 45-Пүткил жер жүзилик шахмат Олимпиадасы өз жуўмағына жетти. Қуўанышлысы, онда қатнасқан Өзбекстан ерлер сайланды командасы қола медалына ийе болды.
Қызғын беллесиўлерде жеңис Ҳиндстан командасына несип еткен болса, АҚШ гроссмейстерлери гүмис медальлар менен сыйлықланды.
Индивидуал бағдарларда да жерлеслеримиз сыйлықларға ийе болды:
Шамсиддин Воҳидов (4-тахта)
Нодирбек Абдусатторов (1-тахта)
Нодира Нодиржонова (5-тахта)
Жерлеслеримиз 2 жыл алдын Ҳиндстанда өткен Олимпиадада чемпионлыққа ерискенлигин атап өтиў керек. Сол тәризде, командамыз қатара екинши мәрте сыйлықланды. Енди және 2 жылдан кейин дүньяның ең күшли гроссмейстерлери Өзбекстанда болатуғын гезектеги Олимпиадада қатнасады.
Қарақалпақстан хабар агентлиги