Мәмлекетимизде кәсип ийелеў тилегиндеги жасларды қоллап-қуўатлаў мақсетинде 2024-2025-оқыў жылы ушын колледж ҳәм техникумларға қабыл етиў бойынша имканият жаратылмақта.
Жоқары билимлендириў, илим ҳәм инновациялар министрлигиниң мағлыўматларына бола, ата-аналар ҳәм абитуриентлердиң мүрәжатлерин инабатқа алып, колледж ҳәм техникумларда оқыўды қәлеўшилер 25-сентябрьге шекем my.uzbmb.uz арқалы онлайн яки тиккелей билимлендириў мәкемесиниң өзине мүрәжат етиўи керек.
Оларға төмендеги имканиятлар берилмекте:
-бос орынлары (вакант) бар колледж ҳәм техникумларға абитуриентлер тест нәтийжелери тийкарында еки қәнигелик пәни (пәнлердиң избе-излигине қарамастан) сәйкес болған тийисли кәсип (қәнигелик) ти таңлаўы мүмкин;
-абитуриентлер билимлендириў тилин өзгерткен ҳалда колледж ҳәм техникумлардың тийисли кәсип ҳәм қәнигеликлерин таңлаўы ҳәм таңлаўда қатнасыўы мүмкин;
-кириў имтиханларында қатнасып, my.uzbmb.uz электрон платформасы арқалы профессионал билимлендириў мәкемелерин таңламаған абитуриентлер жумыс бериўшилер менен дүзилген шәртнамаға муўапық колледж ҳәм техникумларға дуал билимлендириў усылы бойынша тиккелей қабыл етиледи;
– my.uzbmb.uz электрон платформасы арқалы дизимнен өтпеген яки кириў имтиханларында қатнаспаған, бирақ колледж ҳәм техникумларда кешки яки сыртқы билимлендириў түри бойынша оқыў тилегин билдирген пуқаралар жазба имтиханлар арқалы төлемли-контракт тийкарында оқыўға қабыл етиледи.
Сондай-ақ, мағлыўматта колледж, техникумлардың күндизги билимлендириў түри кәсип ҳәм қәнигеликлери ушын таңлаўда қатнаспақшы болғанлар my.uzbmb.uz сайты арқалы онлайн, кешки ҳәм сыртқы билимлендириў түрлеринде оқыўды қәлеўшилер тиккелей колледж ҳәм техникумның өзине мүрәжат етиў керек екенлиги ескертиледи. Усы мүнәсибет пенен колледж ҳәм техникумлардың биринши курслары ушын оқыў процеси 2024-жыл 2-октябрьден басланады.
ӨзА