Өзбекстан командасы 10 алтын, 9 гүмис, 7 бронза – жәми 26 медальды қолға киргизип, улыўма командалық есапта 13-орынды, Азия континентинде 3-орынды, түркий ҳәм ислам еллери ҳәм Ғәрезсиз Мәмлекетлердиң Дослық Аўқамы бойынша 1-орынды ийелегени атап өтилди.
Паралимпиада ойынларында бундай рекорд нәтийже бурын ҳеш қашан болмағаны атап өтилди.
«Бул – сизлердиң тынымсыз мийнетиңиз, бүгилмес ерк-ықрарыңыз, талант ҳәм шеберлигиңиздиң нәтийжеси болып есапланады. Бул – елимизде инсан қәдирин әмелде тәмийинлеўге қаратылған системалы жумысларымыздың нәтийжеси болып есапланады.
Өз Ўатанын шын кеўли менен сүйетуғын, беккем ерк-ықарарлы, жүрегинде оты бар инсанлар ғана усындай уллы ислерди ислей алады.
Халқымыз сизлер менен шексиз мақтанады. Үлкен рахмет сизлерге!»,-деди мәмлекетимиз басшысы.
Қарақалпақстан хабар агентлиги