Футбол бойынша Өзбекстан сайланды командасының ярым қорғаўшысы Атабек Шукуровты Саудия Арабстанының «Ал Файҳа» клубы өз футболшысы сыпатында рәсмий түрде таныстырды.
Атабек өзиниң жаңа клубында 20-номерде ойнайды. Саудия Арабстанының «Ал Файҳа» клубы туўралы айтатуғын болсақ, клуб өткерилген еки турдан соң, Саудия Про-лигасында ең соңғы орынды ийелеп тур.
Бүгинги күни клубта жергиликли футболшылар менен бирге, нигериялы, бразилиялы, босниялы, кот-дивуарлы ҳәм замбиялы легионерлер ойнамақта.
Адилбай Оразов,
Қарақалпақстан хабар агентлиги шолыўшысы