Бүгин Венгрия пайтахты Будапешт қаласында өткерилип атырған Пүткил жер жүзилик шахмат Олимпиадасында 2-тур ойынлары өткериледи.
Дәслепки турда Тринидад ҳәм Тобаголы шахматшыларды 3,5 : 0,5 есабында жеңип шығыўға миясар болған, Владимир Крамник басшылығындағы Өзбекстан ерлер сайланды командасы Египет сайланды командасы менен өз-ара ушырасады.
Ал, ҳаял-қызлар сайланды командасы болса, Ангола сайланды командасына қарсы ойын өткереди.
Соны айтып өтиўимиз керек, сайланды командамыздың бүгинги қарсыласлары есапланған Египет дәслепки турда Гананы, Ангола болса, жибутили шахматшыларды жеңип шығыўға миясар болған.
Сондай-ақ, 1-турда шахмат Олимпиадасындағы тийкарғы қарсыласларымыз Ҳиндстан сайланды командасы Марокконы, Қытай Доминикан Республикасын 4:0, АҚШ Панаманы 3,5:0,5 есабында жеңип шығыўға еристи.
Адилбай Оразов,
Қарақалпақстан хабар агентлиги шолыўшысы