Президент Шавкат Мирзиёевтиң басшылығында кәмбағаллықты қысқартыў жумысларын жаңа сапа басқышына алып шығыў мәселелерине бағышланған видеоселектор мәжилиси болып өтпекте.
Мәҳәлледе кәмбағаллықты қысқартыў, исбилерменлик жойбарларына 35 триллион сум арзан кредит, 7 триллион сум субсидия берилгени атап өтилди.
Мәҳәллелерди абаданластырыў, бақша, мектеп, медицина, жол, суў ҳәм электр инфраструктурасы ушын 120 триллион сум ажыратылды.
Сондай-ақ, 260 мың гектар жер 800 мың халыққа, бәринен бурын жасларға дийқаншылық етиў ушын дәрамат келтириўши актив сыпатында тарқатылды.
Жақында мәмлекетимизде болған БМШ Азық-аўқат ҳәм аўыл хожалығы шөлкеми (ФАО) бас директоры бул тек ғана жумыс орны ҳәм дәрамат емес, ал азық-аўқат қәўипсизлигин тәмийинлеўде оғада дурыс жол екенин атап өтти.
Өткен айда Кәмбағаллықты қысқартыў бойынша халықаралық конференцияға келген 60 тан аслам мәмлекет экспертлери Өзбекстан қысқа мүддетте жаратқан тәжирийбени жоқары баҳалады.
ӨзА