Өзбекстан Республикасы Президенти Шавкат Мирзиёев 30-август күни Беларусь Республикасы Президенти Александр Лукашенко менен телефон арқалы сөйлести.
Сөйлесиў алдынан мәмлекетимиз басшысы Беларусь Президентин юбилей менен қызғын қутлықлап, оған беккем денсаўлық ҳәм үлкен табыслар, дос Беларусь халқына абаданлық ҳәм раўажланыў тиледи.
Өз гезегинде, Беларусь Президенти Өзбекстан басшысын ҳәм көп миллетли халқын жақынласып киятырған Ғәрезсизлик күни менен қызғын қутлықлап, тынышлық, турақлы раўажланыў тиледи.
Сөйлесиў даўамында усы жылдың 7-9-февраль күнлери Беларусь Республикасы Президентиниң Өзбектсан Республикасына сапары даўамында ерисилген келисимлерди қабыл етилген «жол картасы»на муўапық әмелге асырыў мәселелери додаланды.
Беларусь Республикасы Миллий Мажлиси Республикалық Кеңеси Баслығы Наталья Кочанованың басшылығындағы жақында мәмлекетимизге болған сапарының нәтийжели жоқары баҳаланды.
Санаат кооперациясы бойынша биргеликтеги жойбарларды таярлаў ҳәм әмелге асырыўды тезлестириў, сондай-ақ, мәдений-гуманитарлық алмасыўды кеңейтиў әҳмийетли екенлиги атап өтилди.
ӨзА