«Pankration» грек-рим гүреси түри болып, тиккелей соққыларды бирестиретуғын спорт түри есапланады. Дүнья жүзилик жеке гүрес әлеминде бул спорт түри тарийхый ҳәм ғалаба бағдарлардан есапланады. Әсиресе, панкратион дәслепки Олимпиада ойынлары болғанлығын айтып өтиў де орынлы. Усы спорт түрин мәмлекетимизде раўажландырыў бойынша өткен 2023-жылы Өзбекстан панкратион ҳәм грепплинг ассоциациясы шөлкемлестирилип, бир қатар чемпионатлар өткерилип келинбекте.
Усы жылдың 18-20-август күнлери Бухара ўәлаятында спорттың «Pankration» түри бойынша Өзбекистан чемпионаты болип өтти.
Жарыста Нөкис районы «Ақмаңғыт» спорт клубының 12-13 жастағы ҳәм 18-жастан жоқары спортшылар қатнасып, сыйлы орынларды алыўға миясар болды.
Атап айтқанда өзиниң жас категориясы бойынша А.Ғалымжанов биринши, Ж.Бисенбаев екинши, Б.Айтниязов, А.Мухамбетов, А.Назарбаев ҳәм Б. Қамедуллаев үшинши орынларды ийеледи. Биринши орын жеңимпазы А.Ғалымжанов 10-октябрь күни Ташкент қаласында болып өтетуғын жәҳән чемпионтына қатнасады.
Спортшыларды жырысқа тренер Аймурат Сейтмуратов таярлады.
Қарақалпақстан хабар агентлиги