Орынларда 20-август – Исбилерменлер күни кеңнен белгиленбекте.

Усы сәне мүнәсибети менен Өзбекстан Саўда-санаат палатасы Қоңырат районлық бөлими тәрепинен райондағы бир қатар исбилерменлерге палатаның миннетдаршылығы менен байрам саўғалары тапсырылды.

Атап өтилгениндей, Президентимиздиң усы жыл 8-август күнги “Қарақалпақстан Республикасында исбилерменлерге қолайлы шараятлар жаратыўға байланыслы қосымша илажлар ҳаққында”ғы және бир пәрманы қабыл етилип, бул ҳүжжет тийкарында республикамыз исбилерменлерине кең имканиятлар жаратылмақта.

Илаж даўамында елимиздиң гүллеп-жаснаўында мүнәсип үлес қосып атырған исбилерменлердиң хызмети айрықша атап өтилди.

Орынларда байрамға бағышланған илажлар даўам етпекте.

Қарақалпақстан хабар агентлиги