Францияның жетекши ғалаба хабар қураллары Өзбекстан спортшыларының «Париж-2024» жазғы Олимпиада ойынларында қолға киргизген тарийхый нәтийжелерин сәўлелендириўди даўам етпекте.

Өзбекстан спортшылары «Париж-2024»те табыслы қатнасты. Жәми 13 медаль (8 алтын, 2 гүмис ҳәм 3 бронза) қолға киргизген өзбек атлетлери жазғы Олимпиада ойынларында қатнасқан 206 мәмлекет арасында 13-орынды ийеледи. Айтылыўынша, бул нәтийже Өзбекстанда спорт тараўында әмелге асырылып атырған  реформалардың дурыс алып барылып атырғанынан дәрек береди.

«2024-жылғы жазғы Олимпиада ойынларының Өзбекстанның жоқары спорт потенциалына ийе мәмлекет екенлигине билиў имканиятын берди. Халықаралық жәмийет 2028-жылы АҚШтың Лос-Анжелесте болып өтетуғын Олимпиада ойынларында өзбекстанлы спортшылардың шығыўын интизарлық пенен күтеди»,-деп атап өткен La Gazette.

Қарақалпақстан хабар агентлиги