Uzbekistan Airways авиакомпаниясы басшылығы Нөкис қаласында авиабилетлерди сатыў бойынша жергиликли исбилерменлер, саяхатшылық операторлары ҳәм агентлери менен ушырасыў өткерди.
Илаж бизнес ҳәм хызметлер тараўында бирге ислесиўшилер менен байланысларды жақсылаў, олардың идеялары, тилек ҳәм усыныслары менен танысыў, оларды келешекте әмелиятқа енгизиў ушын үйрениў имканиятын береди.
Ушырасыўда, сондай-ақ, Uzbekistan Airways авиакомпаниясының жолаўшылардың ҳуқықлары, еркинликлери ҳәм нызамлы мәплерин қорғаў бағдарындағы жумыслары ҳаққында мәлимлеме берилди.
Бундай ушырасыўларды мәмлекетимиздиң басқа ўәлаятларында да өткериў режелестирилген. Бул исбилерменлер ҳәм саяхатшылық агентликлериниң хызметкерлери арасында қолайлы шараятлар жаратыў ҳәм машқалалы мәселелер бойынша өз-ара пайдалы шешим табыў имканиятын береди.
Роман БОНДАРЧУК таярлады, ӨзА