Қазақстан пайтахты Астана қаласында «Өзбек кино күнлери» өткерилмекте.
Оның шеңберинде Кинематография агентлигиниң буйыртпасы тийкарында Музаффархон Эркинов тәрепинен сүўретке алынған «Абдулла Арипов» атамасындағы көркем фильмниң көргизбеси болып өтти.
Сондай-ақ, Өзбекстан Республикасы Мәденият министрлиги Кинематография тараўын муўапықластырыў бөлими бас қәнигеси Отабек Жўраев, Кинематография тараўын раўажландырыў орайы директоры Фурқат Усмонов, Кинематография тараўын раўажландырыў орайы халықаралық байланыслар бөлиминиң баслығы Сайёра Худойбердиева, киноактёр ҳәм режиссёр Самидхон Лутфуллаевлар ҳәм Қазақстан миллий киноны қоллап-қуўатлаў мәмлекетлик орайының басқарма баслығы Жумагали Қурманбеклер арасында бирге ислесиў ушырасыўы болып өтти.
Кинематография агентлиги мәлимлеме хызметиниң мағлыўматына бола, ушырасыў даўамында Өзбекстан ҳәм Қазақстан кинодөретиўшилери тәрепинен биргеликте сүўретке алыныўы режелестирилген «Аль Фарабий» көркем фильми додаланды.
Қалаберди, Өзбекстан делегациясы тәрепинен қазақстанлы кинодөретиўшилери сентябрь айында Ташкент қаласында болып өтиўи режелестирилген «Жипек жолы дүрданасы» XVI Ташкент халықаралық кинофестивалына мирәт етилип, келешекте ҳәр тәреплеме бирге ислесиўге келисип алынды.
Н.Усмонова, ӨзА