Аўыл  хожалығы бағдарында  сырт еллер менен бирге ислесиўди раўажландырыў, тараўға ивесторларды тартыў бүгинги күнниң әҳмийетли мәселелеринен бирине айланған.

Аўыл хожалығы министри Иброҳим Абдураҳмонов ҳәм Ҳиндстанның мәмлекетимиздеги Айрықша ҳәм толық-хуқықлы елшиси Смита Пант ушырасыўында шериклик көлемин және де кеңейтиў, атап айтқанда мийўе-овощ экспортын жеделлестириў әҳмийетли екенлиги атап өтилди, еки мәмлекет  илимий-изертлеў институтлары, аграр тараў қәнигелери  арасында байланыс орнатып, тәжирийбе алмасыўды жолға қойыў бағдарында пикир алысылды.

Сондай-ақ, логистика бағдарындағы машқалаларды тез пурсатта шешиў зәрүр екенлиги мақулланды. Усы бағдарда әмелге асырылыўы зәрүр болған жумыслар бойынша жумысшы топардың жумысын қәлиплестириў бойынша жуўапкерлерге тийисли көрсетпе берилди.

М.Пирматова, ӨзА