“Бир болсақ – бир халықпыз, бирлессек – Ўатанбыз!” сүрени менен бойлап даўам етип атырған илажлар қатарында, Нөкис районында Қорғаныў министрлиги тәрепинен аталыққа алынған жаслар арасында әскерий  командалық жарыслары шөлкемлестирилди.

Жарысқа мәҳәллелердеги 21-25 жас аралығындағы жаслардан дүзилген   3 команда қатнасып, олар «Зәкаўат» интелектуаллық ойыны, арқан тартысы ҳәм әскерийлестирилген спорт эстафетасы бойынша беллести.

Жарыс жуўмағында 1-орынды «Қырантаў» АПЖ,  2-орынды «Тақыркөл» АПЖ ҳәм 3-орынды «Ақтерек» МПЖ командалары ийеледи.

Қарақалпақстан хабар агентлиги.