Мал шарўашылығы тараўында соңғы ўақытлары бир қанша раўажланыўлар жүз бермекте. Қанлыкөл районы ветеринария ҳәм шарўашылықты раўажландырыў бөлими тәрепинен халыққа сапалы ветеринариялық хызмет көрсетиў бағдарында нәтийжели жумыслар әмелге асырылмақта.
Райан турғыны Қаншайым Сабурбаева шарўашылық бағдарында жоқары мағлыўматқа ийе болғанлығы себепли оған ҳәким жәрдемшиси усынысы менен жеңиллетилген кредит есабынан “Ultra Sound E-20” шарўа малларының кеселликлери ҳәм буўазлыған анықлаўшы УЗИ аппараты алып берилди.
Райондағы «Наўрызлы Истам» шарўа фермер хожалығында усы үскенениң абзаллығы көрсетилип, сынақтан өткерилди.
Қарақалпақстан хабар агентлиги.